По една година пауза поради Ковид пандемијата, Крушево повторно е домаќин на меѓународен натпревар „Озон Крушево опен”. Натпреварот на кој учествуваат над 50 учесници од цела Европа, Јужна Африка, Кина, стартуваше вчера и ќе трае до 10 септември.
Според директорот на „Озон Крушево опен”, Баки Шакировски, повеќе е параглајдинг настан, отколку натпревар.
– Станува збор за настан кој што е составен од летање, учење, а сето тоа да биде безбедно и забавно. Подржувач е Ozone Paragliders, компанија која што во изминативе години е број еден компанија во светот на параглајдингот, вели Шакировски.
Минатогодишниот натпревар „Озон Крушево опен”, за жал беше одложен поради пандемијата со Корона вирусот.
– Во ситуацијата во која се наоѓаме сите, можам да кажам дека сме и повеќе од задоволни што имаме повеќе од 50 луѓе, додава Шакировски.
Главна награда на целиот настан е параглајдер кој што го доделува Ozone Paragliders и тоа не на победникот, туку лотарски на влечење ждреб.
На овогодинешното трето издание на „Озон Крушево опен” има учесници од Англија, Франција, Швајцарија, Австрија. Германија, Луксембург, Холандија, Хрватска, Австралија, Ирска, Полска.
Инаку во моментов, Крушево важи за една од најатрактивни дестинации за авантуристички туризам во светот. Според природните услови спаѓа во едно од најдобритеместа во светот за летање и оддржување натпревари.