Во март годинава, првиот месец од почеток на корона-кризата, се бележи намалување во бројот на туристите за 67,3 отсто, а бројот на ноќевања за 62,8 отсто. Според објавените податоци на Државниот завод за статистика, бројот на домашните туристи во март оваа година, во однос на март лани, е намален за 60,5 отсто, а бројот на странските туристи е намален за 70,4 отсто.
Бројот на ноќевањата на домашните туристи во март оваа година во однос на март во 2019 година, е намален за 50,3 отсто, а бројот на ноќевања на странските туристи е намален за 69,6 отсто.
Во периодот јануари – март оваа година, во однос на истиот период од лани, бројот на туристите е намален за 18,3 отсто, и тоа кај домашните туристи има намалување за 17,2 отсто, а кај странските има намалување за 18,9 отсто.
Во периодот јануари – март во 2020 година, во однос на истиот период во 2019 година, бројот на ноќевањата е намален за 19,7 отсто, и тоа кај домашните туристи за 15,1 отсто, а кај странските за 22,9 отсто.