Спроведувањето на законите за борба против корупцијата во Северна Македонија на моменти било слабо и селективно ги таргетирало владините критичари и прекршители на ниско ниво, се наведува во извештајот на Стејт департментот за климата за инвестирање во државата за 2021 година. Меѓу другото, во извештајот се вели дека имало кредибилни обвинувања за корупција во полицијата, судството и во многу други сектори.
– Актуелната Комисија за борба против корупцијата (ДКСК), именувана во февруари 2019 година, продолжи со работа по усвојување на новата легислатива за антикорупција во јануари 2019 година, и е особено проактивна оттогаш. Комисијата отвори бројни истраги поврзани со корупција, фокусирани на високи официјални лица од политичкиот спектар, за наводни непотизам и конфликт на интереси, се наведува во извештајот на Стејт департментот.
Во извештајот е потенцирано дека Транспаренси интернешнл Северна МАкедонија ја рангираше на 111 место од 180 по индекс на перцепција на корпуција во 2020 година, што е за пет места подолу од претходната, 2019 година. Во тоа Стејт департментот забележува недостаток на владини напори за борба против корупцијата и судирот на интереси во јавната администрација. Како резултат на јавното разочарување и притисок поради високиот индекс, делумно, го поттикнаа вицепремиерот за борба против корупцијата да воведе етички кодекс за членовите на Владата и сите други функционери назначени од Владата, според кој тие мора да се посветат на транспарентна и одговорна работа, се наведува во извештајот.
Владеењето на правото останува клучен предивик во Северна Македонија, а прекумерно владино, бизнис или политичко мешање во судството и доволно финансирање и управување со административните судове се големи пречки.
– Владата продолжи со големи реформи, во текот на целата 2020 година, за подобрување на судската независност и непристрасност, но спроведувањето на договорите и согледуваните нетранспарентни практики за јавни набавки остануваат предизвик за деловните субјекти, се наведува во извештајот.
Северна Македонија продолжува да биде отворена за комерцијални инвестиции на САД. А, пандемијата длабоко ја погодила економијата на државата и способноста да ги апсорбира странските инвестиции.
– Додека водењето бизнис е генерално лесно во Северна Македонија, и правната рамка во голема мера е во согласност со меѓународните стандарди, корупцијата е постојан проблем, стои во извештајот.
Стејт департментот наведува дека Владата генерално ги спроведува законите, но постојат бројни извештаи во кои е посочено дека официјални лица, односно службеници, остануваат вклучени во коруптивни активности.