Актуелниот претседател на Северна Македонија, Стево Пендаровски најверојатно на изборите на 24 април, за својот втор мандат, ќе настапи со мотото „Претседател за сите“. Она што го карактеризира овој слоган се доблестите на Пендаровски како „татко на нацијата“ кој никогаш не правел компромиси со стратешките државни интереси, но и како единствена политичка фигура околу која се обединуваат сите граѓани без разлика на националност и вероисповед
– Стево Пендаровски се води од демократски вредности во политиката. За него стратешките цели на државата, членство во НАТО и членство во ЕУ, се приоритет. Пендаровски е инклузивен во креаирањето политики, а како ни еден Претседател до сега во предвид ги има и маргинализираните заедници. За Стево Пендаровски ќе гласаат и Македонци, и Албанци, и Бошњаци, и Турци, и Роми, и Власи, и Срби, и помалкубројните заедници кои не се спомнати во преамбулата на Уставот. Пендаровски ќе биде Претседател на сите граѓани, без разлика на етничката и верската припадност. Самиот избор на Претседателот Пендаровски ќе го нацрта новото парламентарно мнозинство, кое ќе биде проевропско и ќе се залага за продолжување на европскиот пат на државата, изјави за „Фронтлајн“, Џелал Хоџиќ – претседател на Странка на Демократска акција на Македонија (СДА).
Претседателот на Партијата за општествен и економски напредок – ПОЕН, Рубин Земон вели дека проф. д-р Стево Пендаровски е едниствениот кандидат што е компатибилен на програмските определби на ПОЕН и кој во претходниот мандат како Претседател на Републиката, покажа дека државата Република Северена Македонија „беспрекорно ја етаблиравме во НАТО алијансата, како и сигурно чекориме во ЕУ интеграцииите, штитејќи ги при тоа националните интереси на сите граѓани, како и културниот, етничкиот и јазичниот идентитет на Македонскиот народ.“
– ПОЕН како протагонист на мултукултурното општество и интеркултурализмот во ликот на проф. д-р Стево Пендаровски пронаоѓа вистински лидер кон градењето на општествената кохезија и меѓуетничкото разбирање, изјави Земон за „Фронтлајн“.
Извршниот одбор на ПОЕН одноглсно на синоќешниот состанок одлучи да ја подржи кандидатурата на Стево Пендаровски за претседател на Северна Македонија.
Актуелниот претседател и кандидат за нов мандат, Стево Пендаровски, зборувајќи за анкетите за претстојните претседателски избори, истакна дека никој никогаш не станал, со седум кандидати, претседател во првиот круг.
– Значи, анкетите што ги знам, додека ги знаат и во ВМРО-ДПМНЕ, е дека во вториот круг сигурно ќе го добијам новниот кандидат, рече Пендаровски во едено од своите телвизиски гостувања.
Дестан Јонузи / Фронтлајн