Во земјава пристигнаа 100 000 вакини на производителот „Астра Зенека“, кои се донација од Грија. Министерот за здравство, Венко Филипче, изјави дека донацијата е лична иницијатива на грчкиот премиер Киријакос Мицотакис, што ја вети на неговиот македонски колега, премиерот Зоран Заев.
– Уште еднаш се потврдуваат добрососедските односи и поддршка кои се особено значајни во време на пандемија. Голема благодарност до грчкиот народ, Владата на Република Грција и амбасадорот на Грција во нашата земја, Н. Е Русос Кундурос со кој утрово ги пречекавме вакцините. Истите веднаш ќе бидат дистрибуирани по вакциналните пунктови и наменети за лица над 60 години согласно нашата стратегија за вакцинација, истакнува Филипче.
Тој ги повика граѓаните на помасовна вакцинација. Од понеделник ќе се вакцинира населението и без закажан термин.