Генералниот секретар на НАТО, Јенс Столтенберг, денеска испрати порака до македонските политички лидери и до Претседателот, Ѓорѓе Иванов, да се придржуваат на Договорот од Пржино. Повика на воздржаност и одлуки во интерес на граѓаните. Во неговата изјава, тој вели дека по првиот неуспешен обид за состав на влада, сега има доволно пратенички потписи за нов мандат.
Прочитајте ја целата изјава на Генералниот секратера на НАТО, Јенс Столтенберг дадена денеска.
„На самитот во Варшава во јули 2016 година, НАТО ги повика сите политички лидери во Поранешната Југословенска Република Македонија целосно да ги имплементираат своите обврски според договорот од Пржино, како рамка за одржливо решение на политичката криза.
Изборите во декември од страна на меѓународните набљудувачи беа дефинирани како суштински чекор во решавање на кризата. Изборите беа оценети како добро организирани и без поголеми инциденти. По еден обид да се формира влада, а во согласност со барањата утврдени од страна на Претседателот, сега се собрани доволно потписи од пратениците.
Очекувам властите во Скопје да го исполнат следниот чекор во демократскиот процес. Ги повикувам сите страни на воздржаност во изјавите и дејствија и да донесуваат одлуки за доброто на сите граѓани.
НАТО останува посветен на членството на ПЈРМ во Алијансата, во согласност со одлуката донесена на Самитот во Букурешт во 2008 година и сојузничките изјави дадени во следните самити на НАТО“.