При акциска контрола на полицијата, синоќа на подрачјето на Град Скопје се санкционирани 45 возачи на автомобили и 12 моторџии за брзо возење, а на двајца им се одземени мотоциклите за натамошна постапка.
Како што соопшти МВР, вчера од 06 до 24 часот во акциска контрола за откривање на возачи кои ја пречекориле брзината на движење со моторно возило на подрачјето на Скопје, се санкционирани 45 возачи кои ја пречекориле брзината, а откриени се и 25 останати прекршоци за што се издадени 14 мандатни платни налози и 11 прекршочни платни налози.
Одделението за безбедност во патниот сообраќај на 6/7 септември во 2019 година во периодот од 18:30 до 1:30 часот спроведе акциска контрола за откривање на прекршоци што ги прават возачите на мотори на подрачјето на Скопје. Притоа, санкционирани се 12 возачи. Покрај тоа, задржани се два мотоцикла за натамошна постапка за проверка на техничка исправност. Откриени се 22 останати прекршоци за кои се издадени 11 мандатни платни налози и 11 прекршочни платни налози, се наведува во соопштението на МВР.