Советникот Мето Витанов од ВМРО-Народна партија демантира дека ќе ја поддржи советничката група на ВМРО-ДПМНЕ во општина Струмица, и вели како независен советник, ќе ги поддржува советниците од СДСМ.
Витанов вели тој е изманипулиран од централното раководство на ВМРО-Народна партија, и затоа изглеува од партијата и мандатот ќе го одработи како независен советник.
– Јас како советник на ВМРО-НП која до вчера коалицираше со СДСМ, сум грубо изманипулиран на мојата партија по одлуката да коалицираат со ВМРО-ДПМНЕ во советот. Поради несериозноста, си давам оставка, мандатот ќе го работам како независен и ќе ја поддржам советничката група на СДСМ, вели Витанов.
Воедно, Ристо Пецев, кој е претседател на Општинскиот комитет на ВМРО-НП рече дека градскиот огранок стои зад неговата одлука и му даваат целосна поддршка.
Реакцијата на Витанов следува откако советникот од ВМРО-ДПМНЕ Зоран Пакетов за време на викендот изјави дека ВМРО-ДПМНЕ и коалицијата имаат мнозинство во Советот на Струмица по што побара итно да се одржи седница и да се избере нов претседател на Советот, како и нов градоначалник.