Советникот Мето Витанов од ВМРО-Народна партија чиј што претседател е Љубчо Георгиевски премина во советничката група на ВМРО-ДПМНЕ со што СДСМ го загуби мнозинството во Советот на општина Струмица, соопшти денеска попладне советникот од ВМРО-ДПМНЕ Зоран Пакетов. .
– Коалицијата предводена од ВМРО-ДПМНЕ „За подобра Македонија“ и ВМРО-НП имаат легитимно мнозинство во Советот на општината. На последната седница се гласаше за дневен ред каде што немаше расположение од советничката група на СДСМ и ја блокираa работата на седницата и на комисијата зa мандатни прашања. Се потрудивме во интерес на граѓаните во коалиција со советникот од ВМРО-НП да го одблокираме работењето на Советот на Општина Струмица, рече Пакетов.
Тој поба итно да се одржи седница и да се избере нов претседател на Советот, како и нов градоначалник.
– Бараме итно да се свика седница на Советот со која ќе се верификува новото советничко мнозинство и ќе се избере нов претседател на советот. Ќе побараме избор на нов градоначалник на општина Струмица затоа што Зоран Заев нема легитимитет, не е веќе власт во Струмица, рече Пакетов.
Од СДСМ во Струмица до сега не излегле со коментар за овој пресврт. Избран градоначалник на Струмица беше претседателот на СДСМ Зоран Заев, кој по парламентарните избори ссе повлече, а Советот назначи вд. градоначалник. Функцијата сега ја извршува Костадин Костадинов кој што беше заменик градоначалник.