Студентот Исмет Шабановиќ, кој е дел од Студентскиот пленум, вечерва беше дел и од студентите кои беа насилно исфрлени од пред влезот на Студентскиот парламент од страна на Единицата за брзо распоредување. Во разговор со НОВА, тој вели ова е врв на лудилото кое се случува во Македонија бидејќи студенти беа исфрлени без да пружат отпор.

– Јас денеска бев еден од студентите кои се бореа за правда и за спречување на нелигитимни избори. Цел свет виде и се смее на она што се случи на Универзитетот „Кирил и Методиј“. Ние сакавме да го спречиме ова лудило. Дванаесет саати се боревме против цел систем на нелигитимности кои денеска се случуваа во Скопје. Врвот на се беше влегувањето на ЕБР која не исфрли од седиштето на СПУКМ кое што е претставништво на сите студенти. Не пружевме никаков отпор. Изборните кутии се украдоа, претставниците на СПУКМ се затворија и повикаа Единица за брзо распоредување која е дел од спроведувањето на нелигитимните избори. Ова е врвот на лудилото во кое запаѓа нашето општество. Полициските службеници употребија сила врз 19-годишници. Повикувам македонскиот народ да остане буден и да ја следи ситуација бидејќи утре ова може секому да се случи, вели Шабановиќ.