Студентите во блокадата ги повикаа граѓаните на Србија на тотален прекин на сите активности во петок на 24 јануари, наведувајќи дека терминот „генерален штрајк“ се однесува на општа граѓанска непослушност, пренесува N1.
„Не одиме на работа, не одиме на предавања, не ги извршуваме секојдневните обврски. Да ја земеме слободата во свои раце! Вашето учество прави разлика“, напишаа студентите во блокадата на социјалната мрежа Инстаграм.
Тие ги повикаа вработените да учествуваат со тоа што нема да одат на работа во петок или со организирање прекин на работа со своите колеги.
Ако се плашите од работодавецот, земете слободен ден, земете боледување, дарувајте крв“, се вели во соопштението на студентите.
За работодавците, студентите советуваат да им дадат слободен ден на вработените, да ги откажат закажаните состаноци и да ги информираат клиентите за причините за неработење.
Во соопштението се наведува и дека секој може да придонесе за генералниот штрајк со тоа што нема да оди во кафулиња и ресторани, во спортски сали, продавници, маркети, трговски центри, кина и театри, како и со одење на забави и концерти иако е петок.