Рочиштето за предметот на СЈО, „Титаник“, е одложено поради породилно отсуство на обвинетата Гордана Јанкулоска. Според нејзината адвокатка, Јанкуловска се уште е во болницата каде што се породила.
Продолжение на судењето е закажано за 16 август. Судијата Осман Шабани во судница рече „да е живо и здраво бебето на Јанкулоска“, но ѝ порача на обвинетата дека на 16 август, мора да се појави на судењето во кое е обвинета. Судијата кажа дека и дава на Јнакуловска 45 дена, колку што е законскиот минимум да биде со бебето.
Во судот денеска се појави поранешното раководство на ВМРО-ДПМНЕ, а последен дојде експретседателот на партијата Никола Груевски. Освен Груевски, во „Титаник“ се обвинети и Мартин Протуѓер, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска. Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања во 2012 година.
Одбраната на Јанкуловска и на Јанакиевски побараа од судот поради заштита на приватноста кога ќе се пуштат бомбите за овој случај во судница, јавноста да биде исклучена. За ова барање судот треба да донесе дополнителна одлука.