Најмалку 16 Палестинци во Газа се убиени од израелските трупи во најкрвавите судири во изминатите неколку недели, велат палестинските власти.
Судирите избија по контроверзното отворање на американската амбасада во Ерусалим, што ги разгневи Палестинците. Тие на ова гледаат како на јасна поддршка од САД за израелското владеење над целиот град, во чијшто источен дел се наоѓаат Палестинците.
На настанот присуствуваат високи американски официјални претставници, вклучувајќи ја и ќерката на Доналд Трамп и нејзиниот сопруг. Денеска ќе биде отворена привремена Амбасада која ќе биде сместена во мала зграда, а по извесно време ќе се најде поголема зграда во која ќе се пресели целата амбасада од Тел Авив.
Министерството за здравство во Газа соопшти дека меѓу убиените е и 14-годишно момче, а 500 лица се повредени. Израелскиот суверенитет над Ерусалим не е меѓународно признаен и според израелско-палестинскиот мировен договор од 1993 година, финалниот статус на Ерусалим ќе се дискутира во втората фаза од мировните преговори.