И судскиот совет како и судиите и Подружницата на здружението на судии на Основен суд Тетово во известувањето за јавноста за двегодишната казна што ја определил судијата Ељмедин Ферати за возачот кој смртно ја прегази младата Теодора Ристовска вели дека судијата не смеел да одреди повисока казна на штета на осудениот Менсур Пајазити.
-Согласно член 428 од ЗКП, ако е изјавена жалба само во корист на обвинетиот пресудата не смее да се измени на негова штета во однос на правната оцена на делото и на кривичната санкција – се вели во известувањето за јавноста за предметот од Тетово.
Во информацијата тие го објаснуваат целиот тек на предметот од 2023 година. Тетовското обвинителство поднело обвинителен предлог за тешки дела против безбедноста на луѓето и имотот во сообраќајот со став за кој е предвидена затворска казна од една до пет години.
Првостепено бил осуден на казна затвор во траење од три години и шест месеци, за која тој се жалел пред Апелациониот суд.