Published: Monday, June 21, 2021 10:10
По повод Светскиот ден на крводарителството, Црвениот крст на Македонија се приклучи кон глобалната кампања за промоција на крводарителството под мотото „Дарувај крв и придонеси светот да продолжи да се движи”. Денеска, заедно со Институтот за трансфузиологија ќе додели плакети на министерствата за здравство, за внатрешни работи и за одбрана во знак на благодарност за досегашната соработка.
Како што е најавено, плакетите ќе ги подигнат министрите Венко Филипче, Оливер Спасовски и Радмила Шекеринска Јанковска, а ќе ги врачи генералниот секретар на Црвениот крст на РСМ, Саит Саити.
– Пристапот до безбедна крв за сите оние кои имаат потреба и натаму останува највисок императив на земјите во светот, па и кај нас. Во текот на пандемијата со ковид-19 и покрај ограничената мобилност и другите предизвици кои таа ги донесе, дарителите на крв продолжија да даруваат крв и плазма за пациенти на кои им е потребна трансфузија. Овој извонреден напор за време на пандемија, ја нагласува клучната улога на добро организираните, посветени, доброволни и неплатени дарители во процесот на снабдување со крв во тековни и вонредни околности, наведуваат од Црвениот крст.