Околу 8.000 полицајци ќе ја обезбедуваат прошталната церемонија за Шимон Перес, поранешнот претседател на Израел и добитник Нобелова награда за мир во 1994-та година.
Како круна на неговите активности како политичар кој беше за решавање на израелско- палестинскиот судир, се смета потпишувањето на привремениот мировен договор со Палестинската ослободителна организација во септември 1993 година во Белата куќа, по што следуваше Договорот од Осло.
Во 1994 година ја доби Нобеловата награда за мир заедно со рпемиерот Јицак Рабин и палестинскиот лидер Јасер Арафат токму за улогата во постигнувањето на овој Договор с кој се предвидува независна палестинска држава.
На погребот досега присуство најавија актуелниот генерален секретар на ОН, Бан Ки Мун, папата Францис,претседателите на САД, Франција и Германија, семејството Клинтон, британскиот принц Чарлс, шпанскиот крал Фелипе Шести, бугарскиот претседател Росен Плевнелиев, генералниот секретар на НАТО, претседателот на Европскиот совет.
Претседателот на Палестинската автономија Махмуд Абас исто така ќе најави присуство, а се очекува илјадници други да му оддадат почит на Перес.
Перес ќе биде погребан во паркот Херц во Ерусалим, а освен безбедносната зона планирана од израелските сили, воздушниот простор ќе се штити со беспилотни летала и авиони.