Главниот грев на екс првиот вицепремиер е во фактот што како владин лидер и, нели, како народен слуга, наместо да ја совладува државната корупција, всушнот да ти бил нејзин промотор
Зоран Иванов
Под засилена ферментација на американскиот антикорупциски квасец, САД се’ повеќе натискаат врз македонската децениска коруптивна политика и не треба да се има дилема за тоа кому се, од поранешни но и од сегашни функционери, сега им се тресат колениците, болни или здрави, сеедно, некое ново утро во јавноста да не им осамне сопственото име поцрнето и оцрнето од црниот американски тефтер кој во мигот, како сега со Груби, во ад акта засекогаш ги става нивните партиски и политички амбиции, а за Груби, за негови коруптивни дилови, нека суди системот правосуден, овој наш каков таков и тој коруптивен ама, кажано во оваа една реченица, главниот грев на екс првиот вице премиер е во фактот што како владин лидер и, нели, како народен слуга, наместо да ја совладува државната корупција, да ти бил нејзин промотор со што, всушност, својата амбициозна политичка кариера и својот влијателен функционерски мандат, сега веќе само граѓанинот Груби, самиот си ги направи и жални и грди и груби.
Текстот е сопственост на ЦивилМедиа