Published: Tuesday, May 4, 2021 13:07
Светската здравствена организација ќе донесе одлука оваа недела дали ќе ги одобри кинеските вакцини Синофарм и Синовак за итна употреба, изјави претставник на СЗО.
Маријанџела Симао, помошник генерален директор за пристап до лекови, вакцини и фармацевтски производи, вели дека треба да се направат некои „последни упатства“ пред советничката група на СЗО да донесе конечна одлука за вакцините Синофарм и Синовак.
– Очекуваме да ги имаме и двете одлуки до крајот на неделава, изјави таа.
СЗО наведува дека прво ќе се донесе одлука за Синофарм, а потоа и за вакцината Синовак.