Лидерот на ДПА, Мендух Тачи, веднаш по средбата со еврокомесарот Јоханес Хан, пред новинарите рече дека имале конструктивен и корисен разговор.
Според него, условите за одржување на изборите се делумно исполнети, непрецизирајќи за кои прашања неговата партија се уште смета дека треба да се разговара.
Тој вели дека ќе го прифатат изборниот резултат откако ќе се објави официјалниот резултат, а кој ќе биде верификуван од меѓународната заедница и само доколку ДУИ и ВМРО-ДПМНЕ се држат до договореното.
Одговарајќи на новинарски прашања, Тачи порача дека неговата партија пред распуштањето на Парламентот, ќе го поддржи донесувањето на законите за СЈО и измените на Изборниот законик.
Предходно, Хан имаше средба со премиерот Емил Димитриев.
„Конструктивна и сеопфатна размена на мислења со премиерот Емил Димитриев. Го истакнав исполнувањето на условите за веродостојни избори, реформските приоритети, поддршката на работата на специјалниот обвинител, миграцијата“, напиша Хан на Твитер по средбата со Димитриев.