Њујорк тајмс објави дека Трамп побарал ажуриран план за купување на островите, а Ројтерс објави дека се разгледуваат износи помеѓу 10.000 и 100.000 долари по жител за да се убедат да се согласат со анексијата од страна на САД. Копенхаген и Нук брзо ги отфрлија таквите понуди.
tagesschau24
Пo самитот во Вашингтон, Данска објави фундаментални несогласувања со Соединетите Американски Држави. Иако се очекуваше најлошиот исход, вклучувајќи ја заканата од присилна анексија надополнето со сеќавањето на минатогодишното понижување на украинскиот претседател Володимир Зеленски во Белата куќа, сепак тоа не се случи. Двете страни претежно се согласија дека не се согласуваат, но беше одлучено да се формира заедничка работна група за да се продолжат дискусиите за иднината на Гренланд, пишува германскиот медиум„Тагешау“.
Воено преземање
Според германскиот медиум американскиот претседател Трамп постојано ја споменува оваа можност а таа е военото преземање. Нема сомнение за способноста на американската војска брзо да го окупира островот, каде што САД веќе имаат воено присуство со околу 200 војници во вселенската база Питуфик, според данскиот министер за надворешни работи.
Ова веројатно нема да биде доволно за брза операција, па нападот ќе мора да се потпре на војници донесени однадвор, а Втората флота на американската морнарица ќе игра клучна улога. Според наредбата што Трамп ја издаде по апсењето на венецуелскиот лидер Николас Мадуро, наводно се изработуваат нови планови за таква операција.
Сепак, нападот врз Гренланд би бил напад врз членка на НАТО, активирајќи ја клаузулата за меѓусебна помош. Иако ова не мора нужно да бара воен одговор од другите членки, тоа би создало парадоксална ситуација американски адмирал да предводи операција на НАТО против САД, бидејќи САД во моментов се одговорни за одбраната на нордиските земји.
Данската премиерка Мете Фредериксен нагласи дека таков чин би значел крај на НАТО. Сценариото, исто така, покренува голем број политички прашања за Трамп, од судир со сопствената партија до ризик од губење на американските бази во Европа, а одлуките за ова ќе се носат во Белата куќа, а не во работна група со Данска.
Купување на островот
Трамп јасно стави до знаење дека сака да го поседува Гренланд, нарекувајќи го „аквизиција“. Вашингтон покажа интерес за островот во минатото. По Втората светска војна, американската влада ѝ понуди на Данска 100 милиони долари во злато, но купувањето никогаш не се реализираше.
Трамп ја оживеа идејата за време на својот прв мандат и, по победата на изборите во 2024 година, повторно ја оживеа, иако првично нагласи воена опција. Според американските медиуми, опцијата за купување подоцна беше разработена од американскиот државен секретар Марко Рубио, кој посочи дека воените закани се средство за притисок.
Њујорк тајмс објави дека Трамп побарал ажуриран план за купување на островите, а Ројтерс објави дека се разгледуваат износи помеѓу 10.000 и 100.000 долари по жител за да се убедат да се согласат со анексијата од страна на САД. Копенхаген и Нук брзо ги отфрлија таквите понуди.
Поранешниот дански министер за Гренланд, Том Хојем, коментираше за NDR Info: „ Кој верува дека жителите на Гренланд можат да бидат купени, не ја познава гренландската душа“.
Тој ги нагласи вековните, честопати семејни врски со Данска и нивниот сопствен културен идентитет, поради што монетарните понуди се сметаат за навредливи.
Референдум за анексијата
Гренланд е самоуправен дел од Кралството Данска, но има право да прогласи независност преку референдум, што би можело да биде чекор кон доброволна анексија од страна на Соединетите Американски Држави. Оваа можност неодамна ја шпекулираше американскиот сенатор Џон Кенеди. Се чини дека САД се обидуваат да создадат раскол меѓу Гренланд и Данска со разгорување на антиданските чувства.
Данскиот радиодифузер ДР објави дека владата се сомнева во вмешаност на американски граѓани во тајни операции за влијание во Гренланд. Покрај тоа, Трамп назначи специјален пратеник за Гренланд, кој најави директни разговори со жителите на Гренланд за анексијата од страна на САД.
Сепак, и покрај растечката желба за независност од Данска, анкетите спроведени минатата пролет покажаа дека околу 85 проценти од жителите на Гренланд се противат на анексијата од страна на САД. Владата на широка коалиција, формирана по минатогодишните парламентарни избори, се смета за јасен знак за отфрлање на идејата.
Притисокот од САД всушност го доближи Гренланд до Данска.
Премиерот на Гренланд, Јенс Фредерик Нилсен, рече: „Ако треба да одлучиме тука и сега, тогаш ја избираме Данска, данското кралство, НАТО и ЕУ“. Затоа, референдумот се чини како малку веројатна опција за САД – додаде тој.
Зајакнување на военото присуство на Арктикот
Инаку договорот од 1951 година им дозволува на вооружените сили на САД да го користат Гренланд во замена за неговата одбрана. Иако САД изградија бројни бази, повеќето од нив се затворени, договорот им дозволува да го зголемат своето воено присуство во секое време.
Се чини дека ова не е доволно за Трамп, кој ги оправдува своите барања со наведување на заканата од Кина и Русија. За да се справат со овие безбедносни загрижености, неколку членки на НАТО се залагаа за посилно присуство на Алијансата во регионот. Заедничка извидувачка мисија од неколку земји, вклучувајќи го и Бундесверот, треба да започне оваа недела за да се истражат можностите за воена поддршка за Данска.
Данска, исто така, планира да го прошири своето воено присуство на островот во соработка со партнерите на НАТО. Во моментов има единица на Арктичката команда, проценета на 60 лица во 2015 година, и патролна станица со извидувачка единица со санки за кучиња.
НАТО повторно ја призна стратешката важност на Арктикот по целосната инвазија на Украина од страна на Русија и ги засилува своите напори во регионот. Дали посилното присуство е вистинска цел на САД или не е отворено прашање е прашање кое во моментов е нејасно во својата анализа наведува „Тагешау“ .