Published: Sunday, October 13, 2019 15:03
Јапонија распореди десетици илјадници војници и спасувачи, откако беше погодена од една од најсилните бури во последните години, што досега однесе 23 ќовечки животи.
Тајфунот „Хагибис“ предизвика бројни лизгања на земјиште јужно од Токио, а потоа се префрли на север и доведе до поплави. Јавниот сервис „НХК“ објави дека 13 лица се пријавени како исчезнати.
„Владата ќе стори сé што е во нејзина моќ“, рече премиерот Шинѕо Абе, ветувајќи дека ќе ангажира повеќе луѓе ако има потреба
Во Нагано, водата ги поплави и јапонските возови, па луѓето беа извлекувани со хеликоптери. Во спасувачките мисии се ангажирани 27.000 припадници на војската, соопштија јапонските власти.