Петмина загинаа, а 85 луѓе се повредени во ударот на тајфунот Лан кој ја погоди Јапонија. Загинатите се жртви на лизгање на земјиштето и поплави, како и паѓање на објекти.
Денеска повеќе од 81.000 жители на јапонската префектура Фукушима во североисточниот дел на Хоншу добија наредба за евакуација поради опасност од поплави предизвикани од силните врнежи.
Локалната администрација го повика населението во екстремни случаи да излезе на покривите на куќите и да чека за помош. Спасувачките екипи на чамци се испраќаат во поплавените области. Во некои случаи, луѓето се спасени од покривите на куќите со хеликоптери.
Во значителен дел од територијата на Јапонија продолжуваат дождовите што ги носи тајфунот.
Во повеќе области реките се излеале од коритата, а рибарски бродови се насукале.
Денеска тајфунот оскабна во втора категорија бура. Според јапонската метеоролошка агенција средиштето на бурата е префрлено на Пацификот, севереоисточно од Токио и се движи кон североисток со брзина од 75 километри на час.
Во тек е враќање на нормалното функционирање на возовите и аеродромите.