Градоначалникот на Битола Владимир Талески тврди дека нема незаконитост во постапката со организирање јавен превоз во Битола, предмет што под името Транспортер го отвори СЈО и во кој тој се сомничи дека ја злоупотребил службената положба со тоа што протвзаконски општината го плаќала најскапиот превоз во светот.
-Станува збор за наметнат процес, убеден дека телефонскиот разговор не е причина за да се прави ваква ваква политичка хајка. Општина Битола работи законски, се е транспарентно и ние ќе го потврдиме и ќе го докажеме тоа, изјави Талески по распитот во СЈО.
Прашан околу информациите дека од куќен притвор ја води општината тој само одгоори дека има одлука од Обвинителството која тој мора да ја почитува.
Во просториите на СЈО битолскиот градоначалник беше околу два ипол часа по што замина во придружба на полициски службеник и адвокатот Никола Додовски.
Од денешниот исказ зависи дали СЈО ќе бара судот да ја продолжи мерката куќен притвор, кја на Талески му истекува утре.
Специјалното јавно обвинителство ги товари Талески и уште 22 лица за злоупотреби со превозот на ученици во Битола, тешки 360.000 евра, во случајот „Транспортер“.
НОВА објави дека СЈО трагало по имот на Талевски во Хрватска, откако добило информација дека тој поседува куќа на море во оваа земја. Повеќе за оваа сторија на следниот линк.