Репрезентацијата на Италија е прв финалист на Европското фудбалско првенство по триумфот вечерва на пенали над Шпанија со 4:2. Мечот во основните 90 минути заврши без победник (1:1), а мрежите на Донарума и на Унаи Симон мируваа и во екстра 30-те минути на „Вембли“.
Италија поведе по еден час игра во Лондон со голот на Федерико Киеза, за шпанските напади за израмнување да вродат со плод во 80. минута кога Алваро Мората го однесе полуфиналето во продолженија и пенали.
Четвртото финале на Италија во историјата на Европските првенства го осигура Жоржињо во петтата, последна, пенал серија, откако стрелецот за Шпанија во регуларниот дел, Алваро Мората биеше непрецизно од белата точка.
Во вториот полуфинален натпревар утревечер, исто така, на „Вембли“, ќе играат репрезентациите на Англија и на Данска.