Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Таравари не брза-кадровските смени во здравството под лупа

0
By Менче Атанасова Точи on August 1, 2017 ВЕСТИ
СПОДЕЛИ
Facebook Twitter LinkedIn Email
Published: Tuesday, August 1, 2017 17:33

Не брзаме со новите назначувања иако имаме повеќе имиња за кандидати за директори во здравството. Заменик министерот Гоце Чакаровски вчера избрзал со најавата дека денес ќе бидат сменети 33 нови директори, изјави денеска министерот за здравство Арбен Таравари. Токму таа најава од Чакаровски и исчекувањето на новите кадровски смени, предизвика голема радозналост, но и разочарување кај вработените од дел од новите имиња кои се шпекулираат во медиумите.

Министерот Таравари не сакаше да открие кои директори ќе бидат назначени како што рече постапно, а на прашање на НОВА зошто толку бавно се одвиваат смените,  дали можеби постојат партиски несогласувања, одговори дека бараат најсоодветни кадри, луѓе кои ги сакаат и лекарите и пациентите.

„Нема несогласувања меѓу партнерите во коалицијата одиме полека, не брзаме, а ги консултираме и лекарите и здруженијата на пациентите“, рече Таравари.

Сепак, дел од имињата кои се појавија во јавноста предизвикаа бура од реакции во стручната јавност. Познавачите на состојбите во здравството велат дека се повторува приказната од претходната власт за дел од предложените кандидати чии имиња се вртат јавно.  За дел од нив велат дека се индиректно, роднински поврзани со луѓе од бизнисот со лекови, други дека не се доволно стручни и квалитетни, трети дека им служеле на претходниот режим, четврти дека се строго партиски кадар, некои дека се компромитирани јавно. Од друга страна министерот Таравари вели дека партиската припадност не игра улога при изборот.

„ Кои се партиски поставени? Партиската припадност е интимна работа, тие може да имаат симпатии кон една или друга политичка партија. Гледаме да ставиме луѓе што вредат“, рече Таравари.

Иако министерот рече дека нема несогласувања, НОВА сепак дознава дека внатрепартиски препукувања има за изборот на Виолета Јовановска од Клиниката за гинекологија. Таму, околу тој избор,  тензиите биле најголеми.

Катерина Ставриќ за која НОВА веќе објави дека биде назначена за директорка Клиниката за детски болести, дознаваме дека денеска прифатила да седне на директорската фотелја. Таа наводно, првично одбила бидејќи за предлогот дознала од други лица, а дури потоа и се јавиле од Министерството за здравство.

Лекарски извори, кои се декларираа дека се борат против претходниот режим,  за НОВА велат дека после оваа рашомонијада од имиња, планираат  да се повлечат од своите јавни активности или да си заминат од јавното здравство.

И покрај најавите за масовна смена на директори , Таравари денеска  ги потпиша решенијата само за четворица директори и тоа: Виктор Камнар како раководител на Клиниката за ортопедија, Наќе Гогов директор на болницата во Струмица, Илија Јовановски во болницата во Прилеп и Исмаил Бахити во Специјалната болница за белодробни заболувања во Лешок.

На ТОАРИЛУЦ  во чија состав се петте клиники за трауматологија, ортопедија, анестезија, реанимација, интензивно лекување и ургентен центар, засега останува Реџеп Селмани, кадровик од ДУИ и поренешен министер за здравство.

Таравари рече и дека се уште размислува дали да го разреши и директорот на Инфективната клиника, Звонко Миленковиќ, назначен и близок со претходната власт, со кого заедно денеска ја одржа прес-конференцијата.

Тој најави дека прироритет ќе бидат новите директори на Центрите за јавно здравје, а неделава се надева дека Владата ќе назначи нов директор на Фондот за здравство. За прв човек на здравствената каса, наводно има 11 кандидати. Со нивните имиња не се шпекулира во јавноста.

Како што НОВА веќе објави , неофицијално од свои извори Дејан Докиќ  е избор на Клиниката за пулмологија, Анѓелко Андоновски кадровик на СДСМ ќе седне во директорската фотеља во болницата за белодробни заболувања кај децата во Козле. Стојан Бајрактаров ќе биде директор на Клиниката за психијатрија, Јане Нетковски ќе директорува со Клиниката за уво нос и грло. На Клиниката за кожни болести ќе директорува Нина Цаца Биљановска, а Ирина Пановска на Клиника за хематологија.

На пластична хирургија на местото на Смиља Туџарова доаѓа Софија Пејкова, на Клиника за ендокринологијаќе биде назначен Горан Петровски кој веќе се вратил од Катар каде што работи. За нов директор на Градската општа болница „8 Септември“ ќе биде назначен Христијан Костов исто така кадровик од владеачката партија и тој ќе го замени досегашниот директор Сашо Стојчев.

Таравари најави дека планира да смени околу 50 директори во здравството.

Share. Facebook Twitter LinkedIn Email
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.