Финалистката на Австралија опен, Венус Вилијамс експресно заврши со учество на турнирот во Санкт Петербург. Американката се приклучи во главната ждрепка од второто коло, но уште во првиот меч остана без одговор за Кристина Младеновиќ. Тенисерката од Франција славеше во два сета (6:3, 6:1) и во четврт-финалето ќе игра против Роберта Винчи.
Елена Веснина е главниот адут на руската јавност на турнирот. По победата над сонародниката Макарова во првото коло, петтата носителка закажа дуел со Доминика Цибулкова од Словачка по елиминацијата на Ализе Корне со 2:6, 6:3, 6:3 во осминафиналето.
ВТА Санкт Петербург (награден фонд – 710.900 долари)
Резултати – 2 коло
Цибулкова (2., Словачка) – Векиќ (Хрватска) 6:2, 6:2
Младеновиќ (Франција) – В. Вилијамс (4., САД) 6:3, 6:1
Веснина (5., Русија) – Корне (Франција) 2:6, 6:3, 6:3
Винчи (6., Италија) – Петковиќ (Германија) 6:4, 6:4
ВТА Тајван опен (награден фонд – 226.750 долари)
Резултати – 2 коло
Жу (Кина) – Нара (Јапонија) 4:6, 6:1, 6:2
Стосур (2., Австралија) – Јакуповиќ (Словенија) 3:6, 7:5, 6:3
Свитолина (Украина) – Храдецка (Чешка) 6:4, 7:5
Пенг (Кина) – Синијакова (5., Чешка) 6:1, 6:3