Британската премиерка Тереза Меј го потпиша писмото што ќе го предаде во Брисел и со кое Велика Британија и официјално ќе ги почне преговорите за Брегзит.
На фотографијата објавена на официјалниот Твитер профил, Меј го потпишува писмото со кое се активира член 50 од Лисабонскиот договор и кое утре попладне ќе му биде предадено на претседателот на Европскиот совет, Доналд Туск.
Со активирањето на овој член почнуваат двогодишните преговори за одвојување на Британија од Европската Унија.
Од канцеларијата велат дека Меј ќе ги повика Британците да се обединат сега кога земјата тргнува на „значајно патување“.
Британците минатиот јуни со мнозинство гласови на референдум одлучија да излезат од Европската Унија.
The PM has signed the letter which will trigger Article 50 tomorrow, starting negotiations for the UK to leave the EU. pic.twitter.com/jHerwJs4g9
— UK Prime Minister (@Number10gov) March 28, 2017