Британската премиерка Тереза Мај објави дека ќе се повлече од функцијата претседател на владејачката Конзервативна партија на 7 јуни, со што ќе се отвори патот за избор на нов премиер.
Во емотивната изјава на Даунинг стрит, Мај рече дека „направила се“ за да го почитува резултатот од референдумот во 2016, за напуштање на ЕУ и дека и било огромна чест да биде втора жена премиер на Велика Британија.
Таа исто така додаде дека „длабоко жали“ што не беше во можност да го испорача Брегзит.
Оставката на Меј следува откако не успеа да постигне договор со Ториевците за договорот за Брегзит но и по силниот притисок од нејзината партија. Претседателката на Долниот дом Андреа Лидсом во средата поднесе оставка наместо да го престави законот за Брегзит во Парламентот.
Меј стана премиер во јули 2016 година. Нејзиниот наследник ќе биде познат за шест недели.
Реакции
Германската канцеларка Ангела Меркел „со почит” ја прифати одлуката на британската премиерка Тереза Меј да поднесе оставка, а претседателот на Европската комисија, Жан-Клод Јункер, рече дека е „храбра жена, која многу ја почитува”.
Кој може да ја наследи Меј
Во трката за раководството ќе има многу кандидати, а поранешниот министер за надворешни работи, Борис Џонсон, е фаворит во обложувачниците, нагласува „Индипендент”.
Неговите најголеми ривали на евроскептичното крило во партијата се поранешниот министер за брегзит, Доминик Раб и министерот за животна средина Мајкл Гов, пишува весникот.
Министерот за меѓународен развој, Рори Стјуарт, министерот за надворешни работи Џереми Хант, министерот за внатрешни работи Саџид Џавид, министерот за здравство Мет Хенкок, министерот за финансии Лиз Трас и поранешниот шеф на Долниот дом на британскиот парламент, Андреа Лидсом, исто така, може да бидат наследници на Меј