Поради неприсуство на обвинетата Гордана Јанкуловска заради влошена здравствена состојба односно ризична бременост, рочиштето за предметот на СЈО „Титаник“ денеска се одложи за 3 јули.
Како што информираше адвокатката на Гордана Јанкуловска, Сања Алексиќ, поранешната министерка за внатрешни работи била спречена да дојде на рочиштето поради состојбата во која се наоѓа, при што достави лекарска потврда.
Јавната обвинителка Лиле Стефановска истакна дека во лекарската потврда не е наведена болеста за што е издадено тоа боледување и нагласи дека не е оправдано присуството.
„Фокус“ објави дека Јанкуловска била во 9 тиот месец од бременсота и за десетина дена требала да се породи. Поради ова, адвокатите на Јанкуловска очекувале да се издвои постапката, односно да и се суди одвоено, а за останатите да продолжи судењето.
Судијата Осман Шабани поради неисполнување на условите за одржување на рочиштето ја прекина расправата, што денеска требаше да почне со изнесување на доказите.
Во предметот за изборни неправилности обвинети се поранешниот премиер Никола Груевски и поранешните функционери Мартин Протуѓер, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко.