Лидерот на Демократскиот Сојуз, Павле Трајанов во „Само Интервју“ посочи дека тие практично го отфрлиле францускиот предлог, појаснувајќи дека за него требало да се иницира расправа во парламентот.
-Мислам дека ние сме дел од тие партии кои не го поддржаа предлогот, ако нешто направивме е тоа дека спречивме да бидат загрозени нашите стратешки интереси, апсолутно не држи тоа дека идејата беше да ја срушиме владата, вели Трајанов додавајќи дека сите барања на Бугарија на суптилен начин биле вметнати во предлогот.
Како што вели тој, на 19 јуни кога Ковачевски ги собрал лидерите на владините партнери на која средба се очекувало да се разговара за францускиот предлог, таму беше кажано дека се уште не било добиено таков предлог.
„Мислам дека се работи за подготвено сценарио, државниот врв да не објавува тоа што се усогласила со Бугарија и затоа ние излеговме со став дека предлогот е неприфатлив и дека ги загрозува нашите интереси“, додава Трајанов.