Претседателот на САД Доналд Трамп изјави дека неговата земја е подготвена да делува самостојно доколку Кина не заземе потврд став кон Северна Кореја и нивната нуклеарна програма.
Во интервју за Фајненшел Тајмс Трамп вели дека ќе се разговара за Северна Кореја додавајќи дека Кина има огромно влијание врз Пјонгјанг.
-Кина или ќе реши да ни помогне со Северна Кореја или нема. И доколку тоа го направат, тоа ќе биде многу добро за Кина, а доколку не го направат тоа, нема да биде добро за никого, рече Трамп.
Кинескиот претседател Си Џинпинг треба да допатува во посета на САД за неколку дена, а се очекува дека двајцата ќе разговараат за бројни прашања вклучувајќи ја и Северна Кореја, трговските и територијалните спорови во Јужното кинеско море.
Состанокот, планиран за 6 и 7 април, се случува во време на тензични американско- кинески односи, откако американскиот милијардер сега претседател, во повеќе наврати го прозва Пекинг поради трговската политика и воздржаноста да изврши притисок на Северна Кореја поради нуклеарната и ракетната програма на Пјонгјанг.
Се смета дека би можел да биде клучен за позиционирање на односите меѓу двете земји во следните години.
Во јануари годинава, САД имаа трговски дефицит со Кина од 3,14 милијарди долари, додека во 2016 тој изнесуваше 3,47 милијарди.