Новоизбраниот претседател на Америка, Доналд Трамп, утре влегува во Белата куќа, следен со многу скандали, соочен со многу низок рејтинг, во судир со тајните служби и медиумите, поларизирано американско општество и свет полн со кризи. Трамп го напушти Њујорк и патува за Вашингтон каде не го очекува топло добредојде од сите.
Пред Капитол Хил демонстранти бараат неговиот мандат да заврши пред и да почне. Истовремено пред Белата куќа се камиони за селење. Досегашниот претседател Барак Обама со семејството ја напушта Белата куќа која му беше дом 8 години. Во полн ек се подготовките за инаугурација на новиот претседател кои ќе чинат околу 200 милиони долари.
Многубројни се предизвиците пред новиот американски претседател кој се соочува со конгресна истрага за тоа дали неговиот изборен штаб соработувал со Русија. Покрај ова, го обвинуваат и за непотизам. После неговите најави за реформи на здравствениот систем се создаде паника во редовите на републиканците. Според послената анкета, за Доналд Трамп само 40 проценти од Американците има позитивно мислење.