Доналд Трамп Јуниор, најстариот син на американскиот претседател Трамп, во најновиот дел од истрагата за руско влијание на последните избори е утврдено дека имал директна врска со претставници на Викиликс, со цел, преку оваа веб платформа да се објават материјали за Хилари Клинтон од Демократската партија и на тој начин да и се наштети пред гласачите.
Трамп Јуниор со хакерите од Викиликс предводени од Џулијан Асанж комуницирал со пораки на Твитер. Копии од пораките кои доаѓаат најверојатно од блиски соработници на Доналд Трамп се доставени до конгресната комисија која ја води истрагата за руската поврзаност на претседателот Трамп и неговата кампања.
Комуникацијата се одвивала десетина дена пред самите избори и претставници на Викиликс на Трамп Јуниор му испратиле веб линк со содржини кои водат директно да хакираните мејлови на Џон Подеста, шефот на изборен штаб на Хилари Клинтон, а потоа и на самата Клинтон од приватниот сервер каде испраќала службени пораки.
Тоа доведе ФБИ да најави истрага против Клинтон, неколку дена до изборите кои таа, од сигурен победник, ги заврши како изненаден губитник.
Џулијан Асанж ги обвини американските мејнстрим медиуми дека ја извртуваат приказната да звучи дека зад ова има игра на руските тајни служби, односно дека Трамп и неговиот тим извршиле предавство на американските интереси и дека Викиликс е алатка на руското разузнавање, што според него е голема фантазија.
Самиот Асанж вршеше притисок врз Трамп да ги објави даночните пријави што секако се уште не е сторено.
Трамп Јуниор исто така е осомничен дека одржал состанок со руска државјанка поврзана со Кремљ на која присуствувал Пол Манафорт екс менаџерот на кампањата на Трамп кој сега е во домашен притвор, потоа Џерет Кушнер зетот на Трамп и уште најмалку тројца членови на кампањата со цел да добијат информации и документи против Хилари Клинтон.