Претседателот Доналд Трамп денеска објави дека ќе го замени секретарот за одбрана Џејмс Матис на почетокот на новата година, два месеци порано од планираното заминување на Матис.
-Со задоволство можам да објавам дека нашиот многу талентиран заменик-секретар за одбрана, Патрик Шанахан, ќе ја преземе титулата на в.д. секретар за одбрана почнувајќи од 1 јануари 2019 година. Патрик има долга листа на достигнувања како заменик и претходно во Боинг. Ќе биде одличен!, напиша Трамп на Твитер.
Матис во четвртокот ја објави својата оставка со писмо во кое се вели дека неговите ставови не се усогласени со Трамп и најави дека ќе се пензионира кон крајот на февруари.
Извор близок до Белата куќа рече дека Трамп бил лут поради вниманието што го предзвика оставката на Матис и затоа го принудува да замине порано од првично планираното.
Портпаролот на Пентагон, полковникот Роб Менинг изјави дека “секретарот за одбрана му служи на претседателот. Одделот останува фокусиран на националната безбедност”.
Објавата за пензионирање во Матис во четвртокот предвика реакции во Вашингтон, вклучувајќи ги и клучните републиканци, кои изразија загриженосто од промената во раководството во Пентагон. Најавата за оставка уследи по одлуката на Трамп за целосно повлекување на војниците од Сирија и разгледување на можноста за повлекување во Авганистан.
Шанахан, кој според Трамп привремено ќе го замени Матис, беше избран за негов заменик минатата година, поради што дојде до судир со сега покојниот сенатор Џон Меккејн.