Претседателот на САД, Доналд Трамп покажа нормални резултати при профилактичкиот медицински преглед и е во одлична здравствена состојба, но за него би било корисно да премине на диета со помалку масти и да прави физички вежби, соопшти синоќа докторот од Белата куќа Рони Џексон.
– Генерално, севкупната состојба на претседателот е одлична, рече лекарот. Тој додаде дека нормалната срцева активност на Трамп и доброто здравје се должат на апстиненцијата од алкохол и тутун во текот на целиот негов живот.
Според него, претседателот побарал и медицинско испитување за да ги отстрани шпекулациите за неговото ментално здравје.
– Извршените истражувања би откриле симптоми на Алцхајмеровата болест или други болести, истакна Џексон.
Лекарот ги пофали „исклучително добрите гени” на претседателот и неговата голема енергичност и издржливост. Тој истакна дека Трамп спие по 4-5 часа на ден и дека би било добро редовно да вежба.
– Верувам дека постои многу голема можност во својот мандат да нема медицински проблеми, истакна Џексон.
Трамп стана претседател во 70-та година од животот со што стана најстариот претседател на САД кога стапил на таа функција.