Откако вчера американскиот претседател Доналд Трамп најави дека ќе воведе 100-процентни царини на кинескиот извоз и ќе воспостави строги контроли на извозот на критичен софтвер, крипто пазарот доживеа екстремен пад, покажуваат податоците на „CoinGlass“.
Само неколку часа по изјавата на Трамп, биткоинот се урна под 110.000 долари, што претставува пад од над 12% во рок од 24 часа, а се проценува дека е загуба од дури 9 милијарди долари за тој кус период од денот, што, според економските експерти, претставува најголемата еднодневна ликвидација во историјата на дигиталните средства.
Крипто трговците кои се обложуваа на раст на пазарот изгубија над 7 милијарди долари, при што се случија масовни ликвидации на позиции во вкупна вредност од 7,5 милијарди долари, што претставува најголем еднодневен колапс во историјата на дигиталните средства.
Најголеми загуби се забележани кај Биткоин (1,83 милијарди долари), Етереум (1,68 милијарди), Солана (614 милиони) и XRP (432 милиони).
Трамп вчера порача дека САД ќе воведат нови дополнителни царини од 100 проценти на увозот од Кина, како и ограничувања за извозот на технолошки производи, најави денеска американскиот претседател Доналд Трамп.
Дознавме дека Кина зазела исклучително агресивен став во трговијата и испратила крајно непријателско писмо до светот, со кое најавува дека од 1 ноември 2025 година ќе воведе широки контроли на извозот за речиси сите производи што ги произведува – и за некои што дури и не ги произведува. Почнувајќи од 1 ноември 2025 година (или порано, во зависност од постапките на Кина), САД ќе воведат 100-процентна дополнителна царина на сите кинески производи, покрај постојните царини. Истовремено, ќе воведеме и контроли на извозот на целокупниот критичен софтвер, напиша Трамп на платформата Трут Соушл.