Јас не сум расист, изјави американскиот претседател Доналд Трамп, запрашан за неговите навредливи коментари за имигрантите.
Претходно, сенатори изјавија дека на средбата со нив зад затворени врати во Белата куќа минатата недела Трамп прашал зошто им се на САД луѓе од „ср..е држави“ како африканските земји и Хаити.
– Не. Не сум расист. Јас сум најмалку расист од сите луѓе кои некогаш сте ги интервјуирале, одговори вчера Трамп на новинарско прашање.
Американскиот претседател истакна дека, според сенаторите, тој не ги изрекол скандалозните зборови што му ги припишуваат нивни колеги.
Членот на Горниот дом на Конгресот, Дејвид Пердју, републиканец од Џорџија, вчера тврдеше дека Трамп не користел вулгарни изрази на адреса на имигрантите од Африка и од Хаити.
Друг сенатор републиканец, Том Квартето од Арканзас, исто така, рече дека не го чул претседателот да рече „ср..е држави“.
Републиканецот Линдзи Греам, во четвртокот изјавија дека Трамп користел навредливи изрази на средбата во Овалната соба на Белата куќа, посветена на изнаоѓање на решение за прашањето со 800-те илјади имигранти кои дошле илегално во САД како деца.
Претседателот на САД рече дека е „подготвен и способен“ да постигне договор за заштита на овие луѓе.
Трамп минатата седмица го нарече судскиот систем на САД „неправеден“, откако федерален судија ја осуети неговата намера да ја прекине програмата – одложување на депортацијата на имигранти, прошверцувани нелегално во земјата, кога биле деца, од страна на нивните родители.