Претседателот на САД, Доналд Трамп, денеска на својот Твитер напиша дека навистина сака да биде пријател со лидерот на Северна Кореја и дека не му е јасно зошто тој секогаш го навредува.
„Зошто Ким Јонг ун би ме навредувал нарекувајќи ме стар, кога јас никогаш не сум го нарекол низок и дебел? Па добро, толку многу се трудам да му бидам пријател и можеби некој ден тоа навистина ќе се случи“, напиша Трамп.
Why would Kim Jong-un insult me by calling me "old," when I would NEVER call him "short and fat?" Oh well, I try so hard to be his friend – and maybe someday that will happen!
— Donald J. Trump (@realDonaldTrump) November 12, 2017
Запрашан за твитот на прес конференција во Ханој, Трамп потврди дека сака да изгради пријателство во Северно Кореецот.
„Понекогаш се случуваат чудни работи во животот“, изјави Трамп.
Во саботата Ким Јонг ун го обвини Трамп дека е сенилен и дека сака да направи војна.