Американскиот претседател Доналд Трамп изјави дека може да прогласи национална вонредна состојба за да го изгради ѕидот кон Мексико и без одобрение од Конгресот.
Трамп ова го најави по средбата со неколку демократи, на која биле неговите барања за финансирање.
Исто такa Трамп кажа дека е подготвен делумната блокада на американската Влада, која почна на 22 декември, да трае со години.
Тој наведе дека нема да потпише никаков предлог закон додека не се одобрат средства за финансирање на ѕидот на границата меѓу САД и Мексико, на што демократите остро се противат.
Околу 800.000 федерални работници се без плати од 22-ри декември.
Со делумната блокада на Владата погодени се девет секретаријати, а нивните вработени се или на принуден одмор, или доаѓаат на работа, но без плата.
Популарните, бесплатни музеи и галерии во рамките на институцијата „Смитсониан“ работеа извесно време после блокадата на федералната Влада, користрејќи ги своите фондови, но од почетокот на новата година ги затворија вратите, откако останаа без пари.
Меѓу нив се вашингтонската зоолошка градина, музеите на воздухопловството и афроамериканската историја, Природонаучниот музеј и неколку галерии.
Поради блокадата не работат ни службите за чистење на патишта.