НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Трамп со критики за Зеленски по изјавата за Крим: Завршете ја работата, ќе ја изгубите цела земја

0
By Zoran Ivanov on April 23, 2025 ВЕСТИ, ВОЈНА ВО УКРАИНА, ФЛЕШ ТРИ, ФОКУС
СПОДЕЛИ
Facebook Twitter LinkedIn Email

Американскиот претседател Доналд Трамп повторно го засили притисокот врз украинскиот претседател Володимир Зеленски, повикувајќи го да прифати мировен договор за ставање крај на војната во Украина.

Во објава на својата социјална мрежа Трут Соушл (Truth Social), Трамп изјави дека постигнувањето договор е „многу блиску“, но остро го критикуваше Зеленски поради неговите изјави за Крим, предупредувајќи дека Украина ризикува да ја „изгуби целата земја“ доколку продолжи со сегашниот пристап.

Трамп се осврна на неодамнешната изјава на Зеленски за Волстрит Џурнал, во која украинскиот лидер рече: Украина никогаш нема правно да ја признае окупацијата на Крим. За тоа нема што да се разговара.

Според Трамп, оваа изјава сериозно ги попречува мировните преговори со Русија, бидејќи, како што тврди, „Крим е изгубен уште пред многу години“ за време на мандатот на поранешниот американски претседател Барак Обама. Тој додаде дека Крим „не е предмет на дискусија“ и дека големи руски воени бази постоеле на полуостровот со децении пред неговата анексија во 2014 година.

Никој не бара од Зеленски да го признае Крим како руска територија, но ако сака да го врати, зошто Украина не го бранеше пред единаесет години кога беше предаден на Русија без испукан куршум“? –  напиша Трамп.

Тој ги нарече изјавите на Зеленски „запаливи“ и причина за тешкотиите при обидите за постигнување мир.

„Токму запаливите изјави како онаа што Зеленски ја даде денеска се причина зошто е толку тешко да се постигне мир. Нема со што да се пофали! Ситуацијата за Украина е многу тешка, таа може да избере мир или да продолжи да се бори уште три години пред да ја изгуби целата земја.

Немам ништо против Русија, но длабоко се грижам за тоа да не се губат пет илјади руски и украински животи секоја недела, бидејќи сите овие луѓе умираат без причина. Денешната изјава на Зеленски само ќе го продолжи „убиството“, а тоа никој не го сака„, напиша Трамп.

Многу сме блиску до договор, но човекот кој „нема повеќе адути“ сега мора конечно да го сфати ова и да ја заврши работата. Со нетрпение очекувам да им помогнам и на Украина и на Русија да излезат од овој целосен ХАОС – што никогаш немаше да се случи да бев јас претседател,  порача американскиот претседател.

Според американските медиуми, наводниот мировен план на Трамп предвидува официјално признавање на рускиот суверенитет над анектираниот Крим од страна на САД. Зеленски категорично го отфрли овој предлог, велејќи дека таквото признавање е спротивно на украинскиот устав.

Притисокот од Трамп се интензивира и кон Москва и кон Кијив, при што неговата администрација предупредува дека САД би можеле целосно да се повлечат од посредувањето доколку не се постигне договор наскоро. Овој став го поддржа и потпретседателот Џеј Ди Ванс, кој изјави дека американскиот предлог е „јасен“ и дека е време двете страни да кажат „да“ или САД да се повлечат од процесот.

Тој додаде дека станува збор за „многу фер предлог“ кој ќе ги „замрзне територијалните линии на некое ниво блиску до сегашните“, под услов двете страни да се откажат од дел од територијата што моментално ја држат. Тој не соопшти други детали.

Договор Зеленски зеленски крим Крим Трамп
Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.