Белата куќа официјално соопшти дека претседателот на САД, Доналд Трамп, го одобри пристапот на Црна Гора во НАТО.
„Денеска претседателот Трамп го потпиша инструментот на САД за ратификација на Протоколот за пристап на Црна Гора во НАТО“ , пишува во соопштението од Белата куќа.
Сенатот на САД претходно го ратификуваше протоколот со мнозинство гласови од сенаторите од двете партии – 97 се изјаснија дека се „ЗА“, додека само двајца сенатори беа против.
Сенаторите оценија дека влезот на Црна Гора во НАТО ќе ја зајакне Алијансата и истовремено ќе ја зацврсти демократијата и независноста на Црна Гора.
Исто така, според сенаторите, со црногорското членство ќе и се прати порака на Русија, која се обидува да ги „окупира соседите и да го менува меѓународниот поредок“.
Откако претседателот на САД го стави својот потпис, останува уште протоколот за проширување да го верификуваат уште Холандија и Шпанија.
Министрите за одбрана и надворешни работи на Црна Гора, Предраг Бошковиќ и Срѓан Даемановиќ најавија дека земјата би можела да учествува на самитот на НАТО во мај годинава како рамноправна членка, а формално да биде примена после тоа.