Од Кривичниот суд потврдија дека обвинетата е прогласена за виновна за кривичното дело Тешки дела против безбедноста на луѓето и имотот во сообраќајот . Во текот на постапката беа изведени 6 вештачења.
Судот, како што беше наведено и при објавата на пресудата, смета дека оваа пресуда треба да одекне во јавноста како предупредување за зголемено внимание и почитување на Законите, како и правилата и прописите за безбедност во сообраќајот кај сите учесници.
Судот како олеснителна околност го зел во предвид фактот дека обвинетата е мајка на две деца и дека претходно не е осудувана. Против оваа пресуда странките имаат право на жалба до Апелациониот суд – Скопје.
Сообраќајната несреќа се случи на 18 септември 2015 година во попладневните часови. По несреќата беа организирани протести за зголемениот број на жртви – велосипедисти и се побара од локалните власти да се обезбеди место и за велосипедистите.