Три лица загинале во поплавите од невремето кое синоќа зафати делови од Албанија.
Албанските власти попладнево и официјално потврдија дека во поплавите предизвикани од невремето што зафати делови на Албанија, животите ги загубиле три лица,
Загинатите се од местата Клос, Сукт и Тирана и се на возраст од 40 до 50 години.
Премиерот Еди Рама рече дека се ангажирани сите структури, вклучувајќи ја и армијата, со цел на најдобар начин да се справат со создадената ситуација.
Најпогодени од невремето се подрачјата на Драч, Тирана, Пешкопеја, Лежа и Ѓирокастро, каде под пода се над 500 хектари земјоделски површини, а поплавени се многу домови.
Албанија од ноќеска е зафатена од силно невреме. Поради силните врнежи од дожд и ветерот, голем дел од Тирана остана без електрична енергија. Поплавени беа куќи и автопатишта, а траекти останаа блокирани на пристаништето во Валона поради големите бранови.