Тројца од петмината загинати во паднатиот авион на Малта, се функционери вработени во Министерството за одбрана во Париз, изјави францускиот министер за одбрана, Жан Ив Ле Дриан.
Другите двајца се исто така, француски државјани, но за нив не се открива каде работеле и зашто биле во авионот.
Медиумите тврдат дека авионот бил во „разузнавачка“ мисија за надгледување и контрола на Медитеранот и дека за тоа бил опремен.
Авионот полетал утринава во 07,20 часот, но набргу почнал да ја губи висината, се свртел на својот „нос“ по што удрил во земја и се запалил.
Се уште не е познато што е причина за падот на леталото, а истрагата ја презеле експерти на фрнацуското Министерство за одбрана.
Изјавата на министерот Ле Дриан ги разреши сите досегашни дилеми за тоа чиј е авионот и кои се патниците во него.
Првично беше соопштено дека авионот бил на ЕУ и дека загинале функционери на Унијата. Подоцна беше јавено оти станува збор за авион на ФРОНТЕКС и дека патниците полетале за Либија.