Во Кривичниот суд денеска продолжи доказната постапка на предметот на СЈО „ТНТ“ за уривањето на комплексот „Космос“ на Фијат Цаноски по изборите во 2011 година.
На денешното рочиште беше пуштена целата снимка од надзорната расправа на собраниската Комисија за транспорт и врски.
-На 18 јули 2011 година, кога бев кај вас ми рековте да ги тргнам мобилните телефони, за да ми кажете дека ’Космос‘ се гради легално, ама сте имале наредба од горе, да го урнете. Точно ли е тоа кажете пред сите пратеници дека ова ми го кажавте?, му се обраќа Цаноски на тогашниот градоначалник на Гази Баба Тони Трајковски, на надзорната расправа за која тогашниот генерален секретар на Собранието Жарко Денковски забрани директен пренос на Собранискиот канал.
На снимката се гледа дека на почетокот на седницата, пратеникот, Јани Макрадули, се јавува процедурално и вели оти реагира на забраната која ја издал Жарко Денковски
На седницата е и тогашниот градоначалник на Скопје Коце Трајановски кој признава дека никогаш не урнал толку голема инвестиција. Призна и дека го молел Цаноски да инвестира и гради, бидејќи, како што рече, тие сите инвеститори ги молеле.
Во „ТНТ“, за злоупотреба на службената положба и овластувањата обвинети се Никола Груевски, Миле Јанакиески, Тони Трајковски и тројца инспектори од Гази Баба кои „утврдиле“ наводни отстапувања од градбата.Според обвинението на СЈО, обвинетите во 2011 година сториле кривично дело од политичка омраза со уривање на комплексот на Фијат Цаноски.