Централниот одбор на НСДП за единствен кандидат за претседател на петтиот конгрес на партијата го утврди Горан Мисовски,се наведува во партиското соопштение.
Предлогот, како што се вели во соопштението, бил утврден со мнозинство гласови од присутните членови на Централниот одбор, по завршување на дебатата.
Кристијан Трајковски, организациски секретар на партијата пред да почне Централниот одбор изјави дека се кандидирал за лидерската позиција со програма, а и дека неговата кандидатура ги исполнува сите услови предвидени со Правилникот за избор и кандидирање на претседател на НСДП кој го усвои Централниот одбор претходно и кој правилник дозволува Трајковски да се самокандидира на конгресот на 4 јуни. Тоа го потврдува и по завршување на седницата на ЦО на НСДП.
– Верувам во демократскиот дух на партијата и дека ќе имаме успешни и демократски избори, рече Трајковски.
На седницата на Централниот одбор, како што информира НСДП, биле утврдени Предлог листите за членови на Централниот одбор и Надзорниот одбор. Покрај кадровските прашања биле утврдени и конгресните документи и тоа, предлог-статут за изменување и дополнување на Статутот на НСДП, извештај за работата на НСДП помеѓу четвртиот и петтиот конгрес и предлог-програмска платформа за делување на НСДП во наредните четири години и други конгресни одлуки.