Најкорумпирани професии во Македонија се судиите, министрите, лидерите на политичките партии, пратениците, цариниците и јавните обвинители а 85 отсто од граѓаните платиле полицаец за да не им биде одземена возачката дозвола.
Ова е резултатот на анкетата на македонскиот Центар за меѓународна соработка (МЦМС) кај македонските граѓани. Според податоците на МЦМС во 99 проценти од случаите во кои граѓаните биле подложни на поткуп споредбено со казнетите или признаени како корупција биле прогласени само 0,04 проценти од делата.
Најчеста корупција е поткуп на полицаец, потоа следат државните службеници, 46% од граѓаните мислат дека државните службеници се вмешани во корупција, а исто толку сметаат дека таа тешко ќе се искорени. Само 7,4% од граѓаните ја пријавуваат корупцијата, иако две третини од нив се свесни за неа.
Поразителен факт од оваа анкета е тоа што корупцијата во Македонија ја поддржуваат и младите. Дури 47% од оние меѓу 18 и 29 години сметаат дека корупцијата е прифатлива, а слично мислат и старите меѓу 40 и 49 година.
Анкетата вели дека Албанците се поголеми жртви на корупција отколку Македонците. Над 80 отсто од Албанците на кои им бил побаран поткуп ги дале бараните пари. Четириесет отсто од Македонците се соочиле со барање на поткуп а 35 отсто одговориле позитивно и дале пари.
Сепак големата корупција не е основниот проблем на граѓаните. Основниот проблем е сиромаштијата и економските проблеми а корупцијата е на петто место.
Истражувањето на МЦМС е правено на 1000 испитаници од 27 јануари до 3 февруари годинава според метод признаен од ООН како најдобар за мерење на корупцијата во една земја. Истражувањето го помогна фондацијата USAID.