Турската полиција застрела бомбаш самоубиец кој, според информациите на безбедносните извори, имал намера да изврши напад на полициската станица во медитеранскиот град Мерсина.
Ројтерс објави дека полициската станица била во непосредна близина на регионалното седиште на турската национална разузнавачка агенција МИТ.
Државниот обвинител на Мерсина Мустафа Ерџан за агенцијата Анадолија изјави дека властите работеле на овој случај и претпоставуваат дека напаѓачот е припадник на исламската држава.
Инцидентот се случил во 9.30 часот по локално време кога полицијата забележала маж, кој има околу 30 години, кој чудно се однесувал и не запрел на наредбите од полицијата, објави агенцијата Доган.
Полицијата пукала кон него и тој бил убиен на 30 метри од полициската станица.
Мажот на себе имал експлозивна направа.