Ситуацијата во Турција го држи будни европските и светските лидери.
Шефицата на европската дипломатија Федерика Могерини, која во моментов се наоѓа во посета на Монголија, преку Твитер прати порака во која се вели дека таа е во постојан контакт со Делегацијата на ЕУ во Анкара и со Брисел. Могерини повикува за смиреност и почит на демократските институции.
Американскиот претседател Обама ја следи ситуацијата со големо внимание а шефот на руската дипломатија Сергеј Лавров повика да се избегне “секој убиствен судир”. “Проблемите на Турција мораат да бидат решение со почитување на Уставот”, рече тој во текот на една заедничка прес конференција со својот американски колега Џон Кери.
Грција, како сосед на Турција, јавува дека и Атина в ја следи ситуацијата “внимателно и ладнокрвно”, изјави извор од грчката влада на агенцијата АФП. Министерот за надворешни работи Панос Каменос чека ситуацијата да се разјасни, велат од министерството. Јавниот ТВ сервис ја прекина програмата и во живо ги следи настаните во Турција.
Ситуацијата во Турција е конфузна. Последните вести велат дека многу луѓе се собрани на аеродромот Ататурк и викаат Алах Акбар и слогани во поддршка на Ердоган.
Во Истамбул демонстранти се собираат по улиците за поддршка на Ердоган кој пред малку ги повика Турците да го спречат државниот удар.