Управниот суд ја одби тужбата на судијката во Врховен суд Лидија Неделкова и барањето за времено запирање на изборот на претседател на Врховниот суд во чија трка е и Неделкова според која Судскиот совет го прекршил законот кога донел одлука за вонредно оценување и го повредил нејзиното уставно право за јавност во постапката.
Според одлуката на Управен, Неделкова добила оценка многу добар, која е највисоката, но со 185 бодови.
-Имајќи предвид дека Управниот суд, Барањето за заштита на право, загарантирано со Уставот на Република Македонија, поднесено од Лидија Неделкова, го одби како неосновано, најде дека предлог за издавање на времена мерка со која ведаш ќе се забрани понатамошно преземање на дејствијата на Судскиот совет за избор на председател на Врховниот суд на Република Македонија, е безпредметен, се наведува во одлуката на Управен.
Неделкова е незадоволна од бројот на бодовите на вонредното оценување за избор на претседател на Врховниот суд и од фактот дека и по приговорот, Советот не ги прифати нејзините објавени научни трудови.
Неделкова е еден од кандидатите, покрај в.д. претседателката Снежана Бајлозова, поранешниот претседател Јово Вангеловски и судијката Беса Адеми.